Astanada kisi ólimine soqtyrǵan jol apatyna kinálige izdeý jarııalandy - ІІD
ASTANA. QazAqparat - Astana ІІD 14 shildede jol-kólik oqıǵasyn jasap, 21 jastaǵy jigitti qaǵyp óltirgen Pavlodar turǵynyna izdeý jarııalady.
«Pavlodar qalasynyń týmasy 12.06.1987 j.t. Qasym Baıramqulov QR QK 345-baby 3-bóligi, 347-baby boıynsha izdestirilýde», - delingen Astana ІІD baspasóz qyzmetiniń habarlamasynda.
Keskin-kelbeti: tyǵyz dene bitimdi, dóńgelek júzdi, shashy tik, qara, kózi qara.
Onyń mekenjaıy týraly qandaı da bir aqparaty bar azamattar 8 (7172) 71-62-14, 71-61-94, 8-701-843-90-09 telefondary boıynsha habarlasýdy ótinedi.
Eske salsaq, 14 shildede saǵat 22.00-der shamasynda Saýran kóshesi jaǵyna qaraı Dostyq dańǵyly boıymen bet alǵan BMW X5 markaly kólikti basqarǵan júrgizýshi osy baǵytpen kele jatqan VAZ-2114 kóligimen soqtyǵysty.
Qatty soqqydan VAZ 2114 markaly kólik qarsy jol jolaǵyna shyǵyp ketip, Lexus markaly kólikpen qatqyǵysty. Saldarynan VAZ-2114 kóliginiń 21 jastaǵy jolaýshysy alynǵan dene jaraqattarynan oqıǵa ornynda kóz jumdy. Al bul kóliktiń júrgizýshisi túrli jaraqatpen aýrýhanaǵa jatqyzyldy. Lexus markaly kóliktiń jolaýshysy temir jol aýrýhanasyn jetkizilip, medıtsınalyq kómek kórsetilgennen keıin úıine qaıtarylǵan.
