Astanada kisi ólimine alyp kelgen jol apatyna sebepker júkti áıel 2 jylǵa sottaldy
ASTANA. QazAqparat - Astana qalasy Esil aýdanynyń №2 aýdandyq soty QK 345-baby 3-bóligi boıynsha qylmystyq isti qarady.
Sot 2015 jylǵy 27 qarashada sottalýshy «Toyota Samrý» markaly kóliktiń júrgizýshisi A.K. basqaryp kele jatqan «VAZ-2114» markaly kólikpen soqtyǵysýǵa jol bergenin anyqtady.
Jol-kólik oqıǵasy saldarynan «VAZ-2114» kóliginiń júrgizýshi K. men jolaýshy O. aýyr dene jaraqatyn aldy. Al jolaýshy I. alǵan jaraqaty saldarynan oqıǵa ornynda kóz jumdy, - dep habarlady Astana qalasy sottyń baspasóz qyzmetinen.
Sot úkimimen sottalýshy A. aıypty dep tanyldy. Oǵan 5 jylǵa kólik júrgizý quqyǵynan aıyra otyryp, qonys kolonııasynda jazasyn óteýmen, 2 jylǵa bas bostandyǵynan aıyrý jazasy kesildi.
QK 74-baby 1-bóliminiń negizinde sottalýshy A-ǵa onyń júkti ekeni eskerilip, jazasyn oryndaý 1 jylǵa keıin shegerilip qoldanylady.
Úkim zańdy kúshine engen joq.
