Astanada kishkentaı arýlardyń baıqaýy bastaldy

Konkýrsqa 6-7 jáne 8-10 jas aralyǵyndaǵy kishkentaı arýlar qatysýda. Olar án, bı, qolóner jáne defıle boıynsha synǵa túsip, baq synaspaq. «Oqýshylar saraıy bul konkýrsty bıyl alǵash ret uıymdastyryp otyr. Bir aıda baıqaýǵa qatysýǵa nıet bildirgen 60 konkýrsanttyń ishinen 19 qyzdy iriktep aldyq. Olardyń arasynda óz erkimen ketip qalǵandar boldy. Endi, osy 19 arýymyz ózara synǵa túsip, baq synasyp kórmek», - deıdi Oqýshylar saraıynyń ádistemelik bólim meńgerýshisi Aıjamal Qazybaı.

Aıta keteıik, konkýrs jeńimpazdary «Kishkentaı juldyz - 2012», «Súıkimdi úlgi - 2012», «Altyn saýsaqtar - 2012» jáne «Kórermenniń kózaıymy» atalymdary boıynsha marapattalady. Al bas júlde ıegerine arnaıy syılyqtar tabystalady.