Astanada kıokýshınkaı karateden halyqaralyq týrnır bastaldy
ASTANA. QazAqparat - Búgin elordadaǵy «Alaý» muz aıdynynda Aýǵanstannan keńes áskerleriniń shyǵarylýyna 25 jyl tolýyna oraı kıokýshınkaı karateden jasóspirimder, qyzdar, áıelder jáne erler arasyndaǵy jetinshi halyqaralyq týrnır bastaldy.
Baıraqty básekege Qazaqstannyń barlyq oblystarynyń jáne Astana qalasynyń, sonymen birge Reseıdiń Perm, Omby, Sverdlov oblystarynyń, Qyrǵyzstannyń sportshylary qatysýda. Jalpy, 11 jas sanatynda ótetin jekpe-jekterde atalǵan úsh eldiń 400 sportshysy baq synamaq. Olar 35 medal jıyntyǵyn sarapqa salatyn bolady.
Atalǵan sharany ótkizýdegi basty maqsat - qazaqstandyqtardyń arasynda salaýatty ómir saltyn qalyptastyrý, sonymen birge sportshylar arasyndaǵy qarym-qatynasty nyǵaıtý, sheberlikterin shyńdaý bolyp tabylady.
Týrnır QR Sport jáne dene shynyqtyrý agenttigi, Astana qalasynyń ákimdigi, Respýblıkalyq Kıokýshınkaı karate federatsııasy, Astana qalasynyń týrızm, dene tárbıesi jáne sport basqarmasynyń uıymdastyrýymen ótýde.
