Astanada kıokýshınkaı karate-dodan «TMD kýbogi» IV halyqaralyq týrnır ótýde
ASTANA. 5 naýryz. QazAqparat /Jasulan Amanbaıuly/ - Astanada kıokýshınkaı karate-dodan «TMD kýbogi» jolyndaǵy halyqaralyq jarys ótýde.
Jyl saıynǵy týrnır «Astana - esirtkisiz qala» uranymen ótkizilip otyr. Oǵan Reseıdiń 8 qalasynan, Qyrǵyzstannan jáne Qazaqstannyń barlyq óńirlerinen kelgen 350-ge tarta karateshi qatysýda.
QR Týrızm jáne sport mınıstrligi Sport komıtetiniń jáne Astana qalasynyń Dene shynyqtyrý jáne sport basqarmasynyń uıymdastyrýymen bastalǵan doda barlyq salmaq dárejeleri boıynsha, balalar, jasóspirimder, qyzdar, áıelder men eresek erler jas toptary arasynda ótýde.
Uıymdastyrýshylar, atalmysh shara - «Qazaqstandaǵy kıokýshınkaı karate-do sportynyń damýyna, TMD elderiniń áriptestigin nyǵaıtýǵa jáne jas sportshylardyń sheberligin shyńdaýǵa septigin tıgizedi» dep otyr.
Jarys jeńimpazdary kýboktarmen, medaldarmen jáne dıplomdarmen marapattalady. Sonymen qatar «Týrnırdiń úzdik sportshysy», «Úzdik tehnıka úshin» jáne «Jeńiske degen qaısarlyǵy úshin» atalymdary bekitilgen.
