Astanada kıokýshınkaı-kan karateden Azııa chempıonaty ótedi
ASTANA. QazAqparat - Ulttyq respýblıkalyq kıokýshınkaı-kan karate federatsııasynyń prezıdenti Omarhan Óksikbaev federatsııasynyń aldaǵy josparlarymen bólisti, dep habarlaıdy «QazAqparat» HAA tilshisi.
«Kúntizbelik josparǵa sáıkes, respýblıkalyq deńgeıdegi Qazaqstan kýbogy men Qazaqstan chempıonatyn ótkizbekpiz. Bul bizdiń kezekti jarystarymyz. Onymen qosa basqa federatsııalarmen birikken jarystar uıymdastyrylady. Eń mańyzdysyn aıtsam, maýsym aıynyń ortasynda kıokýshınkaı-kan karateden Azııa chempıonatyn ótkizemiz dep josparlap otyrmyz. Ol - halyqaralyq jarys. Qazirgi ýaqytta Halyqaralyq kıokýshınkaı-kan karate federatsııasy bizge qoldaý bildirdi. Soǵan saı daıyndyq júrgizilip jatyr. Bizdiń quramamyz nátıjeniń eń joǵarǵy kórsetkishin sol jerde kórsetse eken degen tilegimiz bar», - deıdi Omarhan Óksikbaev Astanadaǵy «Saryarqa» velotreginde sportshylarmen kezdesý barysynda.
Eske sala ketsek, Ýkraınanyń Odessa qalasynan «altynǵa toly» qorjynmen oralǵan sańlaqtarymyzdyń basyn Ulttyq respýblıkalyq Kıokýshınkaı-kan karate federatsııasy búgin Astanadaǵy «Saryarqa» velotreginde qosqan bolatyn. Qazaq sportshylary atalǵan dodadan 12 altyn, 4 kúmis pen 1 qola medal alyp kelip otyr. Federatsııa prezıdenti Omarhan Óksikbaevtyń aıtýynsha, Qazaqstan sportshylary buryn sońdy kıokýshınkaı-kan karateden Álem chempıonatynda mundaı zor jetistikke qol jetkizbegen.
Foto: kazkarate.kz
