Astanada kıno bıletteriniń quny arzandady
ASTANA. QazAqparat - Bıyl qazan aıynda ótken jyldyń osy kezeńimen salystyrǵanda Qazaqstanda kıno bıletteri Atyraýda qymbattasa, al Astanadakersinshe arzandady. Bul týraly ranking.kz derekterinen málim boldy, dep habarlaıdy QazAqparat.
Zertteýden belgili bolǵandaı, Qazaqstanda kınoǵa kiretin eń qymbat bıletter Atyraýda satylady. Osy qalada bılettiń ortasha quny 1749 teńgeni qurap, bir jyl burynǵy kórsetkishten 6,1 paıyzǵa joǵary boldy. Astanada ortasha baǵa 1506 teńgeni qamtyp, ótken jylǵy sáıkes kezeńnen 1,8 paıyzǵa arzandaǵan.
Qarashaǵa qaraı Qazaqstanda kıno bıletiniń quny ortasha eseppen 1 224 teńgeni qurap, bir aı burynǵy deńgeıden 0,2 paıyzǵa artyqtaý.
Atap aıtqanda, 2018 jyldyń qańtar-qarashasynda mádenıet, demalys jáne oıyn-saýyq salasyndaǵy qyzmetter boıynsha baǵa ósimi byltyrǵy osy kezeńge qaraǵanda 5,2 paıyzǵa jetti. Sonymen birge, atalǵan ýaqytta kıno qyzmetteriniń quny 0,8 paıyzǵa ǵana kóterildi.
Mundaı kórinis sońǵy jyldary turaqty turde baıqalýda. Osy arqyly, kıno eń qoljetimdi ári baıaý qymbattaıtyn qyzmet túri bolyp otyr.
