Astanada kıik týraly alǵashqy entsıklopedııalyq fotoalbom jaryq kórdi
Tabıǵatpen etene tirshilik keshken halqymyz dalanyń osy bir názik te sulý janýaryn ejelden qadirlep, kıeli sanaıdy. Án men jyryna qosty. Ańyz-ápsanasyna arqaý etti.
Sarapshylardyń aıtýynsha, Qazaqstanda kıik týraly tolyqqandy aqparatty qamtıtyn, ásirese qazaq tilinde jaryq kórgen ǵylymı-tanymdyq ádebıetter joqtyń qasy.
Al kıik týraly zertteýler negizinde daıyndalǵan «Saıgak v Kazahstane» kitaby 1982 jyly shyqqan.
Fotoalbom shyǵarý bastamasyn tehnıka ǵylymdarynyń doktory Qaıyrgeldi Qabyldın kótergen. Onyń aıtýynsha, búgingi urpaqtyń, qazirgi qoǵamnyń aqbóken týraly biletin maǵlumaty mardymsyz.
Basym kópshiligi aqbóken jappaı qyrylǵan kezdegi maqalalar men telesıýjetterdi, brakonerlikke baılanysty jańalyqtardy ǵana kórgen.
«AQBOKEN Saiga tatarica fotoalbomy eń aldymen osy olqylyqtyń ornyn toltyrýdy maqsat tutady. Onda fotosýretterge basymdyq berilip, ǵylymı-tanymdyq málimetter qysqa da nusqa baıan túrinde usynylǵan. Aqbókenniń shyǵý tegi, ejelgi hám qazirgi taralý geografııasy, bıologııalyq erekshelikteri, ekojúıedegi orny jáne qazirgi tónip turǵan syn-qaterler sııaqty taqyryptar qamtylǵan», - dedi Qaıyrgeldi Qabyldın.
Fotoalbomǵa onnan astam otandyq jáne sheteldik fotograftyń jyldyń túrli maýsymynda túsirgen 100-den asa fotosýreti engizilgen.
«Shyn máninde, bul joba der kezinde, dál ýaqytynda qolǵa alynyp, jaryq kórip otyr. Munda biz aqbókenderdiń sanyn saqtaý jáne qalpyna keltirý úshin qandaı kúsh-jiger jumsalǵanyn atap ótýimiz kerek. Fotoalbom el tarıhynyń bir bóligi bolady dep oılaımyn», - dedi Qazaqstan bıosanalýandyqty saqtaý qaýymdastyǵynyń dırektory Vera Voronova.
Uıymdastyrýshylardyń aıtýynsha, fotoalbom Atyraý oblysynyń bilim mekemeleri men ekologııalyq uıymdarynyń kitaphanalaryna taratylady.
