Astanada kıbersporttan alǵash ret oqýshylar arasynda jarys ótedi
ASTANA. QazAqparat - Astanada jeltoqsannyń 9-10 aralyǵynda Oqýshylar saraıynda «INDEPENDENCE CUP» - «TÁÝELSІZDІK KÝBOGY» úshin kıbersport dıstsıplınasy - Dota 2 boıynsha Astana qalasy oqýshylarynyń arasynda birinshi resmı chempıonat ótedi, dep habarlady Oqýshylar saraıynan.
Bul chempıonat QR Tuńǵysh Prezıdent kúni men QR Táýelsizdik kúni merekesine arnalǵan. Chempıonat Astana qalalyq bilim basqarmasynyń qoldaýymen ótkizilmek. Shara oqýshylar men jastar arasynda kıbersportty nasıhattaý jáne qoldaý, kıberdıstsıplına boıynsha komanda qurý úshin daryndy balalardy anyqtaý maqsatynda uıymdastyrylyp otyr.
Aıta keteıik, sońǵy ýaqytta kıbersport mıllıondaǵan aýdıtorııanyń kóńil kóterý túrinen jastar arasynda tanymal sport túrine aınaldy.
Sarapshylardyń málimetinshe, kıbersport kórermenderiniń sany jyl sońyna deıin 194 mıllıon adamǵa jetedi, bul 2016-shy jylmen salystyrǵanda 20%-ǵa joǵary. Úsh jyldan keıin bul sport túrin dúnıejúzi boıynsha 300 myń mıllıonnan astam adam baqylaıtyn bolady. Qazaqstannyń úsh qatysýshysy álemdik reıtıngte 100-top oıynshylar qataryna kiredi.
