Astanada kıberqylmyskerler 28,4 mln teńgeni belgisiz shottarǵa aýdarǵan

ASTANA. KAZINFORM — Kıberqylmysqa qarsy is-qımyl basqarmasy júrgizgen jedel-izdestirý sharalary barysynda iri kólemdegi alaıaqtyq deregi anyqtaldy, dep habarlaıdy Polisia.kz. 

Tergeý kezinde D. esimdi azamattyń depozıttik esepshotynan 28,4 mln teńge belgisiz adamdardyń esepshottaryna zańsyz aýdarylǵany anyqtaldy.

— Bul fakti boıynsha QR Qylmystyq kodeksiniń 190-baby 4-bóligi boıynsha qylmystyq is qozǵaldy. Jedel-izdestirý sharalary barysynda Astana qalasynda úsh adam ustaldy. Olardyń ekeýi — Aqtaý qalasynyń, bireýi — Qaraǵandy oblysynyń turǵyny. Tergeý nátıjesinde kúdiktilerdiń esepshotyna jábirlenýshiniń aqshasy túskeni belgili boldy. Qylmysty uıymdastyrdy degen kúdikke ilingen Aqtaý qalasynyń turǵyny jasyrynyp júrgen jerinen ustalyp, ýaqytsha ustaý ızolıatoryna qamaldy, — delingen vedomstvo habarlamasynda.

ІІM málimetinshe, qazir tergeý jalǵasyp jatyr.

Budan buryn birneshe oblysta qańtar oqıǵasy kezinde urlanǵan qarý-jaraqtar tabylǵanyn jazdyq.