Astanada kıberqylmysqa qarsy is-qımyl jónindegi halyqaralyq konferentsııa ótti
ASTANA. KAZINFORM — Elordada QR ІІM-niń bastamasymen, EQYU Baǵdarlamalar keńsesiniń, ıÝNISEF Balalar qorynyń, BUU Esirtki jáne qylmys jónindegi basqarmasynyń, sondaı-aq halyqaralyq Group-IB kompanııasynyń qoldaýymen kıberqylmysqa qarsy is-qımylǵa arnalǵan halyqaralyq konferentsııa ótti. Bul týraly QR ІІM habarlady.
Konferentsııada Іshki ister mınıstriniń birinshi orynbasary Baýyrjan Álenov kıberqylmysqa, ásirese ınternet-alaıaqtyqqa qarsy kúres halyqaralyq deńgeıdegi mańyzdy mindet ekendigin atap ótti.
— Kıberqylmys — qazirgi qoǵamnyń negizgi qaterleriniń biri. Ol shekara talǵamaıdy, ózgeristerge tez beıimdeledi jáne oǵan qarsy kúreste birlesken kúsh-jigerdi talap etedi. Biz tek halyqaralyq yntymaqtastyq pen tájirıbe almasý arqyly ǵana azamattarymyzdy, ásirese balalardy, tsıfrlyq keńistikte tıimdi qorǵaı alamyz. Bul Memleket basshysynyń jasandy ıntellekt pen eldiń tsıfrlyq transformatsııasyn damytý jónindegi tapsyrmalary, sondaı-aq jańa qylmys túrlerine qarsy is-qımyldy kúsheıtý boıynsha Іshki ister mınıstriniń bastamalary aıasynda erekshe ózekti, — dep atap ótti Baýyrjan Álenov.
Konferentsııaǵa 18-den astam memlekettiń ókilderi kıberpolıtsııa qyzmetkerleri men memlekettik organdardyń mamandary, halyqaralyq uıymdar, sarapshylyq jáne ǵylymı qaýymdastyqtar qatysty.
Іs-shara barysynda kıberqaýipsizdik salasyndaǵy zamanaýı syn-tegeýrinder men kıberqaterlerge qarsy is-qımyldyń tıimdi ortaq sheshimderi, sondaı-aq azamattardyń quqyqtaryn qorǵaý máseleleri talqylandy.
Paneldik sessııalar men pikirtalastar aıasynda halyqaralyq yntymaqtastyq, jedel aqparat almasý, salalyq qyzmetkerlerdiń biliktiligin arttyrý, qylmystardy ashýda ınnovatsııalyq tehnologııalardy qoldaný, sondaı-aq halyqtyń tsıfrlyq saýattylyǵyn arttyrýǵa baǵyttalǵan aǵartýshylyq jáne profılaktıkalyq bastamalardyń mańyzy qarastyryldy.
Balalardy ınternettegi qylmystardan qorǵaý máselelerine, sonymen qatar kıberqaýipsizdik salasynda ózara is-qımyldy kúsheıtýge arnalǵan quqyqtyq negizderdi damytýǵa erekshe nazar aýdaryldy.
Konferentsııa sońynda qatysýshylar yntymaqtastyqty odan ári nyǵaıtýǵa, birlesken jobalardy iske asyrýǵa jáne kıberqylmysqa qarsy kúrestiń halyqaralyq tetikterin damytýǵa daıyn ekendikterin bildirdi.
Aıta keteıik, kıberqylmys boıynsha jyl basynan beri 90 myńǵa jýyq SIM-karta tárkilendi.