Astanada QHA týraly eki kitaptyń tusaýy kesildi
Sharaǵa QR Parlamenti Májilisiniń depýtaty Qamal Burhanov, memlekettik mekemelerdiń ókilderi, ǵalymdar men QHA sarapshylar qaýymdastyǵy, atalmysh eńbekterdiń avtorlar ujymy men redaktsııalyq alqa músheleri, etnomádenı birlestikter, BAQ ókilderi qatysty.
«Bul eńbekter eń aldymen jas urpaqtyń tarıhı sanasyn oıatýǵa sebepker bolady. Óıtkeni tarıhı sana memlekettik sananyń negizin qalaıdy. Sonaý qıyn-qystaý zamandarda bir úzim nandy ázer taýyp jep otyrǵan qazaq halqy jer aýdarylǵan barlyq ult ókilderin qushaq jaıa qarsy aldy. Birlik-berekede ómir súrip, barlyq qıyndyqtardy jeńip shyqty», - dep atap ótti QR Parlamenti Májilisiniń depýtaty Qamal Burhanov.
Aıta keteıik, «Qazaqstan halqy Assambleıasy el tarıhynda» atty eńbek Qazaqstan halqy Assambleıasy men Konstıtýtsııanyń 20 jyldyǵyna arnalady. Kitapta Assambleıa, ony qurǵan adamdardyń, barsha halyqtyń, eldiń tarıhı taǵdyry turǵysynda dáıekti jazylǵan. Atalǵan basylymdar memleket jáne saıası qaıratkerlerdiń, dıplomattardyń, mádenıet qaıratkerleriniń, QHA músheleri men sportshylar, qazaq dıasporalary ókilderiniń suqbattary negizinde ázirlengen.
Qazaqstan halqy Assambleıasynyń Ǵylymı-sarapshylyq keńesi ǵalymdarynyń avtorlyq ujymymen usynylatyn bul eńbekte ulttyq birlik qundylyqtarynyń negizderi, qazaq halqynyń toleranttylyǵy, etnosaralyq qatynastar salasyn retteýdiń qoǵamdyq-saıası ınstıtýty retindegi Qazaqstan halqy Assambleıasynyń qalyptasýy men damýynyń 20 jyldyq kezeńiniń negizgi belesteri baıandalady. Qazaqstan Prezıdenti N.Á. Nazarbaevtyń bastamasymen qurylǵan Qazaqstan halqy Assambleıasy qazirgi kezde halyq ókildiliginiń ınstıtýty retinde sapalyq turǵyda jańa deńgeıge kóterildi.
Tıisti eńbekter gýmanıtarlyq ǵylym mamandaryna, ǵalymdar men sarapshylarǵa, memlekettik qyzmetkerlerge, sheteldik kásipkerlerge, ınvestorlarǵa jáne etnosaıasat máselelerine qyzyǵýshylyq tanytqan oqyrmandardyń kópshilik qaýymyna arnalǵan.
