Astanada QHA Kásipkerler qaýymdastyǵynyń forýmy ótip jatyr
Forým aıasynda Qazaqstan halqy Assambleıasy Kásipkerler qaýymdastyǵy quramyna enetin otandyq taýar óndirýshilerdiń, qolónershiler men jas startapshylardyń ónimderi qoıylǵan kórme uıymdastyryldy. Іs-sharaǵa QHA Tóraǵasynyń orynbasary - Qazaqstan halqy Assambleıasy Hatshylyǵynyń meńgerýshisi Leonıd Prokopenko, QR Parlamenti Májilisiniń depýtattary Vladımır Bojko, ıÝrıı Tımoşenko, Albert Raý, sonymen qatar memlekettik organdardyń ókilderi qatysýda.
«Máselelerińizdi talqylap, jańa jobalarymyzǵa zer salyp, ortamyzǵa jańa adamdardy tartý úshin sizdermen bas qospaǵanymyzǵa biraz bolyp qalypty. Kezdesýdiń mańyzy óte zor, óıtkeni QHA Kásipkerler qaýymdastyǵynyń birligi men kelisimi halyqty naqty isterdiń mańaıyna toptastyrady. Árıne, munda birneshe iskerlik jáne áleýmettik jobalar usynyp otyrǵan belsendi bıznesmender bar ekendigin atap ótkim keledi. Ol adamdardyń áleýmettik turǵyda jaýapkershiligi mol», - dedi forým barysynda Qazaqstan halqy Assambleıasy Hatshylyǵynyń meńgerýshisi Leonıd Prokopenko.
Onyń aıtýynsha, QHA Kásipkerler qaýymdastyǵyn jastar úshin taǵy bir áleýmettik lıft retinde qarastyrýǵa bolady.
«Bul zalda jastar kóp otyr. Qaýymdastyq músheleri - tálimgerler, stýdentter men muǵalimder arasynda naqty seriktestik bar. Meniń oıymsha, bul - bizdiń bolashaǵymyzdyń mańyzdy baǵyttarynyń biri. Qazirgi ýaqytta qaýymdastyq ujymy Qazaqstanǵa ınvestıtsııalar tartý boıynsha birqatar jobalardy júzege asyryp, sheteldik bıznes-qurylymdardyń qatysýymen tyń jobalardy qolǵa aldy. Jyl saıyn jobalar qorjyny salmaqty bolyp keledi. Búgingi tańda qaýymdastyq yntymaqtastyqtyń halyqaralyq deńgeıine senimdi túrde jetip, sheteldik isker seriktestermen yntymaqtastyq týraly memorandým jasasýda», - deıdi Leonıd Prokopenko.
