Astanada kezekti túrme forýmy ótedi

ASTANA. QazAqparat - Aldaǵy beısenbi, aqpannyń 23-i kúni, Bas prokýror Jaqyp Asanovtyń qatysýymen túrme reformasyna arnalǵan IV forým ótedi, dep habarlaıdy QazAqparat tilshisi.

"Atalǵan shara barysynda 2013-2016 jyldary atqarylǵan jumystarǵa qorytyndy jasalady dep josparlanyp otyr. Sonymen qatar birinshi forýmda usynylǵan "Túrmedegilerdiń sanyn azaıtýdyń 10 qadamy" jobasy, 2017 jylda túrmedegilerdi jumyspen qamtý jáne resotsıalızatsııa jobalary talqylanady", - dedi Ortalyq kommýnıkatsııalar qyzmetiniń resmı ókili Murat Jumanbaı búgingi baspasóz máslıxatynda.

Forýmnyń seriktesteri men uıymdastyrýshylary - QR Parlament Májilisiniń zańnama jáne sot-quqyqtyq reforma komıteti, QR Adam quqyqtary jónindegi ýákili, Qazaqstandaǵy Eýrazııalyq odaq ókilettiligi, Eýrazııalyq odaqtyń qylmystyq sot tóreligin jetildirý jobasy, Eýropadaǵy qaýipsizdik jáne yntymaqtastyq uıymynyń Astanadaǵy baǵdarlamalar keńsesi.

Aıta keteıik, búgingi brıfıngte Murat Jumanbaı Jambyl oblysyndaǵy qaıǵyly oqıǵaǵa baılanysty qurylǵan tergeý komıssııasynyń quramyn da jarııalady .  Onyń aıtýynsha, aǵymdaǵy aptada bes birdeı mınıstr esep bered i.  Al Senatta bıznes máselelerine arnalǵan parlamenttik tyńdaýótedi.

Búginnen bastap Ortalyq kommýnıkatsııalar qyzmetindegi aptalyq brıfıngter jańa formatta ótetin boldy .