Astanada kezekte turǵandarǵa 562 páter beriledi
ASTANA. KAZINFORM — Astanada 562 páter bólinedi.
Astanada 2023-2029 jyldarǵa arnalǵan Turǵyn úı-kommýnaldyq ınfraqurylymdy damytý tujyrymdamasy aıasynda jaqyn arada turǵyn úı kezeginde turǵan azamattarǵa kredıttik turǵyn úı berý úshin ótinish qabyldaý bastalady.
Turǵyn úı jáne turǵyn úı ınspektsııasy basqarmasynyń málimetinshe barlyǵy A91 kóshesindegi 36, 36/1, 36/2, 36/3 úılerden 562 páter beriledi.
Onyń ishinde:
•1 bólmeli – 166 páter;
•2 bólmeli – 276 páter;
•3 bólmeli – 80 páter;
•4 bólmeli – 40 páter.
Páterler taza árlengen kúıde beriledi.
Bir sharshy metrdiń quny – 332 916 teńge.
Syıaqy mólsherlemesi – 5% (JTSM – 5,2%-dan 5,8%-ǵa deıin), bastapqy jarna – 10%-dan bastap.
Ótinishter Baspana Market saıtyndaǵy jeke kabınet arqyly qabyldanady.
Aıta ketelik Qazaqstanda turǵyn úı baǵasy bir jylda qalaı ózgergeni týraly jazǵan edik.
