Astanada kezekti aýyl sharýashylyǵy jármeńkesi ótedi
ASTANA. KAZINFORM – Astanada 9-10 mamyr kúnderi kezekti qalalyq aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty.
Jármeńkede elimizdiń ár óńirinen kelgen jergilikti fermerler men óndirýshilerdiń ónimderi usynylady. Qala turǵyndary men qonaqtary kókónis, jemis-jıdek, et, un jáne sút ónimderin, nan-toqash, tabıǵı shyryndar, tosap, djem jáne basqa da taǵamdardy tıimdi baǵamen satyp ala alady.
Іs-shara 9-10 mamyr kúnderi saǵat 10:00-den 19:00-ge deıin Keryen Joly saýda ortalyǵy aýmaǵynda ótedi.
Kelýshilerdiń yńǵaıy úshin jármeńke ótetin orynǵa №7, 11, 39, 41, 45, 53, 59, 81, 307, 317 avtobýs marshrýttary qatynaıdy.
Eske sala keteıik, buǵan deıin Astanada merekelik aýyl sharýashylyǵy jármeńkesi ótetinin jazǵan edik.
