Astanada kezekti aýyl sharýashylyǵy jármeńkesi ótedi

ASTANA. KAZINFORM – Elordada 18-19 qańtarda kezekti qalalyq aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty.

Jármeńkede Qazaqstannyń túrli óńirlerinen – Aqmola, Abaı, Shyǵys Qazaqstan jáne Qyzylorda oblystarynan jergilikti fermerler men óndirýshilerdiń ónimderi tikeleı usynylady. Qala turǵyndary men qonaqtary kókónister men jemisterdi, et, un, sút ónimderin, kondıterlik ónimderdi, tabıǵı shyryndardy jáne t.b. satyp ala alady.

Іs-shara Nurǵısa Tilendıev dańǵyly, 12a mekenjaıy boıynsha «Koktal» saýda-oıyn-saýyq ortalyǵynda ótedi.

Jármeńke ár demalys kúnderi saǵat 10:00-den 22:00-ge deıin jumys isteıdi.

Eske sala keteıik, buǵan deıin Astanada avtonomdy jylý qazandyǵy bar turǵyn úıler gazǵa aýystyrylyp jatqanyn habarlaǵan edik.