Astanada «Kezeksiz emhana» jobasy iske asyrylýda
ASTANA. 7 jeltoqsan. QazAqparat - Astanada «Kezeksiz emhana» jobasy iske asyrylýda. Bul týraly Astana ákimi Imanǵalı Tasmaǵambetov óziniń jeke blogynda málim etti.
Qala basshysynyń aıtýynsha, atalmysh jobaǵa elordadaǵy №5 qalalyq emhanasy qatysýda. Onyń negizinde atalǵan mekemede ýchaskelik dárigerlerge jáne tar sheńberli mamandarǵa kelgen azamattarǵa qyzmet kórsetý talon júıesi arqyly júrgiziletin bolatyn.
«Joba aıasyndaǵy barlyq pozıtsııalar tájirıbeden ótý protsesinde. Jaqyn ýaqyttarda atalǵan jańashyldyqtyń ıgiligin barlyq emdelýshi sezinetin bolady», - dedi ákim.
I. Tasmaǵambetovtyń málim etýinshe, Astanadaǵy emhanalardyń sany jetispeýde jáne azamattarǵa em-dom jasaýǵa úlgermeı jatyr. Osy máseleni sheshý maqsatynda jaqyn jyldary taǵy 5 emhana salynbaq.
