Astanada keıbir ýchaskelerde kólik qozǵalysyna ýaqytsha shekteý engiziledi

Elorda kósheleriniń jekelegen ýchaskelerinde 2024 jylǵy 28 qarasha kúni shet memleketterdiń basshylarynyń qatysýymen UQShU Ujymdyq Qaýipsizdik Keńesi otyrysynyń ótýine baılanysty kólik qozǵalysyna ýaqytsha shekteýler engiziletin bolady. Bul týraly elorda ákimdiginiń resmı saıty Memlekettik kúzet qyzmetine silteme jasap habarlaıdy.

Polıtsııa departamentiniń málimetinshe, 28 qarasha kúni saǵat 06:00–den 20:00–ge deıin myna kóshelerde qozǵalys tolyqtaı shekteledi: J.Nájimedenov kóshesi (Táýelsizdik dańǵylynan Q.Amanjolov kóshesine deıin) jáne Amanjolov kóshesi (J.Nájimedenov kóshesinen A.Baıtursynuly kóshesine deıin).

Osyǵan baılanysty myna marshrýttardyń qozǵalys syzbalary ýaqytsha ózgeredi: № 14, 32, 43, 50, 66, 84. Qoǵamdyq kólik shtattyq rejımde jumys isteıtin bolady. Jumys kestesi saǵat 06:00–den 23:30–ǵa deıin.

Daıyndyq is-sharalaryna QR arnaýly memlekettik, quqyq qorǵaý organdary men qarýly kúshteriniń, onyń ishinde áskerı avıatsııa men tehnıkanyń resýrstaryn paıdalaný kózdelgen.

27 qarashada QR QM frontty avıatsııasynyń qala ústinen ushýy josparlanǵan.

«Turǵyndardan qaýipsizdiktiń kúsheıtilgen rejımine túsinistikpen qaraýdy jáne qozǵalys baǵytyn aldyn ala josparlaýdy suraımyz», — dep jazylǵan aqparatta.