Astananyń keıbir aýdandarynda jaryq sónip qaldy

Elordanyń keıbir aýdandarynda jaryq sónip qaldy, dep habarlaıdy Kazinform.

«Qalalyq VL-110kV sheńberinde apatqa baılanysty jaryq sóndirildi. Apattyń sebep-saldary naqtylanyp jatyr»,-dep habarlady «Astana – óńirlik elektr kompanııasy» mekemesinen.

Kommýnaldyq qyzmetter apattyń saldaryn anyqtaýmen aınalysyp jatyr.

«Elordada jelidegi apat saldarynan birqatar turǵyn úı eletr qýaty men baılanyssyz qaldy. Oqıǵa ornynda kommýnaldyq qyzmet ókilderi jumys júrgizip jatyr»,-delingen Astana ákimdiginiń resmı saıtynda.

QR Energetıka mınıstrliginiń habarlaýynsha, Astana – 2 jylý elektr ortalyǵyndaǵy qysqa tuıyqtalý saldarynan elektr óndirý qýaty tómendep ketken.