Astanada keıbir taǵam túrlerine baǵa arzandady
ASTANA. 28 naýryz. QazAqparat - Elordada naýryz aıynda kúnbaǵys maıy, maı, qant, qus eti, qaraqumyq sııaqty áleýmettik máni zor taǵamdar men birqatar kókóniske baǵa arzandady. Bul týraly astana.kz saıty qalalyq statıstıka departamentine silteme jasap habarlady.
Sondaı-aq, vedomstvonyń málimeti boıynsha, qaraqumyq 2,7%, kúnbaǵys maıy - 1,4%, qant - 1,3%, taýyq eti - 0,6% arzandaǵan.
Sonymen qatar, makaron ónimderine baǵanyń ósýi (1,7% - 2,4%-ǵa), tuz jáne qara shaı men hosh ıisti qara shaıǵa ( 2,2%-ǵa), jumyrtqaǵa (1,4%-ǵa) jáne kefırge ( 0,4%-ǵa) baıqalǵan.
Kókónis ónimderine qatysty bıylǵy jyldyń naýryz aıynda pııazǵa (5,8%-ǵa), kartopqa (2,2%-ǵa), oramjapyraq pen sábizge ( 2,1%-ǵa) baǵa tómendegen. Al óz kezeginde qııar (6,0%-ǵa) men qyzanaqqa baǵa (2,4%-ǵa) qymbattaǵan.
Eske salaıyq, bıylǵy jyldyń aqpan aıynda baǵa et pen kókóniske arzandaǵan bolatyn. Sondaı-aq, ótken aıda qoı eti (2,3%) men sıyr etine (2%), kartop ( 4,2%) pen sábizge ( 4,1%) baǵa tómendegen edi.
