Astanada keıbir marshrýttardyń qozǵalys syzbasy ózgerdi
ASTANA. QazAqparat - 6 maýsymnan bastap elordada Syǵanaq kóshesin Qabanbaı batyr dańǵyly qıylysynan bastap M3 kópirge deıin jáne Shámshi Qaldaıaqov kóshesin M3 kópirinen Táýelsizdik dańǵylyna deıin keńeıtýge baılanysty keıbir marshrýttardyń qozǵalys syzbasy ózgeredi:
- № 4 marshrýt: B. Momyshuly dańǵylynan Táýelsizdik dańǵylyna deıin, J. Nájimedenov jáne Sh. Qaldaıaqov kóshelerimen júrmeıdi;
- № 14 marshrýt: B. Momyshuly dańǵylynan Táýelsizdik dańǵylyna deıin, Q. Amanjolov kóshesin aınalyp ótedi;
- № 21 marshrýt: D. Qonaev kóshesinen R. Qoshqarbaev dańǵylymen Baıtursynov kóshesine deıin, Sh. Qaldaıaqov kóshesimen júrmeıdi;
- № 32 marshrýt: Orynbor kóshesimen, Qoshqarbaev dańǵylymen jáne Baıtursynov kóshesimen Dostyq kóshesinen Táýelsizdik dańǵylyna deıin, Nájimedenov jáne Qaldaıaqov kóshelerimen júrmeıdi;
- № 51 marshrýt: Qabanbaı batyr dańǵylynan Orynbor kóshesine deıin, Syǵanaq jáne Saýran kóshelerimen júrmeıdi;
- № 52 marshrýt: Qabanbaı batyr dańǵylynan Orynbor kóshesine deıin, Syǵanaq kóshesine kirmeıdi;
- № 55 marshrýt: Turan dańǵylynan Saraıshyq kóshesimen júredi, Syǵanaq, Túrkistan, Dostyq jáne Orynbor kóshelerine kirmeıdi.
Aıta keteıik, qalalyq jolaýshylar kóliginiń burynǵy qozǵalys syzbasy Astana qalasynyń kóshe-jol jelisinde jóndeý jumystarynyń aıaqtalýyna qaraı qalpyna keltiriledi, dep habarlaıdy astana.gov.kz.
