Astanada keptelisterdi azaıtý úshin ITS elektrondy júıesi engiziledi - Astana ákimi
ASTANA. QazAqparat - Astana ákimi Ádilbek Jaqsybekov búgin eGov.kz saıtynda astanalyqtarmen ótkizgen onlaın-konferentsııa barysynda qala kóshelerindegi keptelisterdi azaıtýdyń naqty sharalary týraly aıtyp berdi.
«Astanadaǵy kólik keptelisin azaıtý birneshe joldar arqyly atqarylýda: a) aınalma joldardyń salynýy, sonyń ishinde shaǵyn aınalma joldardy damytý - búgingi tańda Beısekova - Syǵanaq - Qoshqarbaev - Aqjol kóshelerinde osyndaı joldar salyndy. Shaǵyn aınalma joldy salý qarajattyń bólinýine qaraı 2016-2020 jyldary da jalǵasady», - delingen Á.Jaqsybekovtiń jaýabynda.
«Kelesi kóshelerdegi jol aıyrymdarynyń qurylysy jáne keptelisi kóp kóshe qıylystarynda oń jaq burylystaryn salý. v) ITS (ıntellektýaldy kóliktik júıe) elektrondy júıelerin engizý. 2015 jyly atalmysh júıeniń Saryarqa - Turan - Qonaev - Dostyq - Syǵanaq - Saraıshyq kóshelerinde birinshi kezeńi engizildi. Qazirgi ýaqytta 114 kóshege 2-shi kezeńin engizý boıynsha jumystar atqarylýda. g) Ortalyq kóshelerde júk kólikterine tyıym salý», - dep atap ótti ákim.
