Astanada «Kenesary-Kúnimjan» spektakliniń premerasy ótti
ASTANA. Qazannyń 22-si. QazAqparat /Gúlmıra Álıakparova/ - Keshe keshqurym, Astanadaǵy Q.Qýanyshbaev atyndaǵy Qazaq mýzykalyq drama teatrynda «Kenesary-Kúnimjan» spektakliniń premerasy boldy.
Dramalyq shyǵarmanyń avtory - jazýshy, dramatýrg Dýman Ramazan, qoıýshy rejısseri - QR eńbek sińirgen qaıratkeri Bolat Uzaqov.
Týyndynyń negizgi jelisine Kenesary hannyń ómir tarıhy alyndy. Avtor Kenesaryny azattyq úshin kúresip, táýelsizdik jolynda janyn pıda etken tarıhı tulǵa retinde aıta otyryp, onyń súıiktisi - Kúnimjan ekeýiniń mahabbatyn sýretteıdi.
Jalpy tarıhta Kenesarynyń súıiktisi Kúnimjan týraly kóp aıtyla bermeıdi. Ol kórkine aqyly saı, hanǵa naǵyz jar bolýǵa laıyq qyz bolǵan. Atalary óte bedeldi adamdar, ákesi - Tursyn da ataqty baılardyń biri. ıAǵnı, Kúnimjan tekti jerdiń qyzy. Kenesary men Kúnimjan birine-biri alǵash kórgennen ǵashyq bolady. Alaıda, bulardyń sezimderine kedergi bolyp, sol kezdegi Aqmolanyń aǵa sultany Qońyrqulja óziniń eki áıeliniń ústine kezekti jar etip alýǵa Kúnimjanǵa quda túsedi. Osy sátten bastap spektakldiń shyrqaý shegi - Kenesary-Kúnimjan-Qońyrqulja arasyndaǵy mahabbat tartysy bastalady. Onyń aıaǵy bitpes daýǵa, óshpes óshtikke ulasady. Avtor pesada Kenesary handy iri tarıhı tulǵa, úlken azamat, súıikti jar retinde aqtaýǵa barynsha tyrysty.
Kenesarynyń rólin - «Daryn» memlekettik jastar syılyǵynyń laýreaty Syrym Qashqabaev, Kúnimjandy - Qazaq ulttyq óner ýnıversıtetiniń túlegi, jas aktrısa Aınur Jetpisbaeva, Qońyrqulja keıipkerin - akter Janqaldybek Tólenbaev somdady.
