Astanada Kenesary hannyń eskertkishin qalpyna keltirý jumystary aıaqtaldy
ASTANA. KAZINFORM – Kenesary hannyń eskertkishi qalpyna keltirilgen soń, Esil ózeniniń jaǵalaýyndaǵy burynǵy ornyna qaıta ornatyldy. Bul týraly Qazaqstan Respýblıkasynyń Memlekettik keńesshisi Erlan Qarın Instagram paraqshasynda habarlady.
— Astanadaǵy Kenesary hannyń eskertkishi jóndeý jumystarynan ótip, qaıta ornatyldy! Qazir eskertkish aınalasynda abattandyrý jumystary júrgizilýde., — delingen habarlamada.
Buǵan deıin Kenesary hannyń eskertkishi qaıta jóndeletini habarlanǵan bolatyn.
Sol kezde júrgizilgen saraptama nátıjesinde eskertkish irgetasynyń qısaıǵany jáne onyń qulaý qaýpi bar ekeni anyqtalǵan. Restavratsııa jumystary osy máseleni sheshý jáne mádenı murany saqtaý maqsatynda qolǵa alynǵan.
Qorǵanys mınıstrligi Kenesary hannyń soǵys tásilderin zerttep jatyr.