Astanada Keńes Odaǵynyń Batyry, kórnekti jazýshy M.Ǵabdýllınniń 100 jyldyǵy toılanýda (FOTO)
"Mədenıet jəne sport mınıstrligi belgili mədenıet qaıratkerleri men qoǵam qaıratkerleriniń mereıtoılaryn joǵary deńgeıde atap ótedi. Bıyl Keńes Odaǵynyń Batyry, tamasha jazýshy Məlik Ǵabdýllınniń týǵanyna júz jyl toldy. Aıta keterligi, dańqty batyrdyń júz jyldyǵy elimizdiń barlyq óńirinde toılandy. Endi, mine, búgin Astanada jazýshynyń júz jyldyǵyna oraı saltanatty kesh, ǵylymı praktıkalyq konferentsııa, sondaı-aq jazýshy jazǵan kitaptardyń kórmesi ótedi. QR MSM Mədenıet jəne óner isteri jónindegi departament dırektorynyń orynbasary Nurbolat Ahmetjanov.
Málik Ǵabdýllın - qazaq ádebıetin, pedagogıkasyn ǵylymı turǵyda zertteý salasynda kóp eńbek etip, órkendeýine eleýli úles qosqan qazaqtyń kórnekti jazýshysy, pedagog-ǵalymy. Uly Otan soǵysynda kórsetken asa joǵary jaýyngerlik erlikteri úshin Keńes Odaǵynyń Batyry ataǵyna ıe bolǵan jazýshy qazaq ádebıetinde alǵashqylardyń biri bolyp soǵys janryndaǵy shyǵarmalar jazdy. Onyń "Meniń maıdandas dostarym", "Altyn juldyz", "Maıdan ocherkteri", "Surapyl jyldar" atty kitaptaryna engen áńgime, ocherkteri maıdan ómiri, jaýynger tulǵasy, keńes úkimetiniń adamdarynyń soǵys kezindegi qaharmandyq beınesi sýrettelip, oqyrman súıispenshiligine bólengen týyndylar bolyp tabylady.
Atalǵan shara barysynda ǵylymı-praktıkalyq konferentsııa, kitap kórmesi jáne saltanatty kontsert ótkizý josparlanǵan.
