Astanada Keńes Dúısekeevtiń 80 jyldyǵyna arnalǵan mýzykalyq kesh ótti
ASTANA. KAZINFORM – Roza Baǵlanova atyndaǵy «Qazaqkontsert» memlekettik akademııalyq kontserttik uıymynda kórnekti kompozıtor, Qazaqstannyń eńbek sińirgen óner qaıratkeri, «Parasat», «Qurmet» ordenderiniń ıegeri Keńes Dúısekeevtiń shyǵarmashylyǵyna arnalǵan «Sálem saǵan, týǵan el» atty mýzykalyq kesh ótti.
Mádenıet jáne aqparat mınıstrligi málimetinshe, atalǵan is-shara kompozıtordyń 80 jyldyq mereıtoıyna oraı uıymdastyrylyp, respýblıkalyq deńgeıde ótkizilgen alǵashqy is-sharalardyń biri sanalady.
Kontserttik baǵdarlamada kompozıtordyń el júreginen oryn alǵan tańdaýly shyǵarmalary oryndaldy. Atap aıtqanda, «Sálem saǵan, týǵan el», «Oılaısyń ba, janym», «Dombyra týraly ballada», «Ókinbe sen», «Ǵashyqtar jyry», «Qaraǵym-aı, «Anaǵa hat», «Aınakól» jáne t.b. týyndylary kórermen nazaryna usynyldy.
Іs-sharada qazaq estaradasynyń belgili qaıratkerleri, respýblıkalyq jáne halyqaralyq baıqaýlardyń laýreattary shyǵarmashylyq ujymdar jáne «Astana» estradalyq sımfonııalyq orkestri óner kórsetti.
Keńes Dúısekeev – qazaq mýzyka óneriniń altyn qoryna engen biregeı týyndylardyń avtory, ulttyq rýh pen zamanaýı áýendi sheber ushtastyrǵan kórnekti kompozıtor.
Atalǵan keshke kompozıtordyń jary Baıan Dúısekeeva men uly Nurken Dúısekeev arnaıy qonaq retinde qatysty.
Aıta keteıik, Brıýsselde Muqaǵalı Maqataevtyń 95 jyldyǵyna arnalǵan poetıkalyq is-shara ótti.