Astanada kemirgishterdi joıý sharalary bastaldy
ASTANA. QazAqparat - Astana qalasynyń qorshaǵan ortany qorǵaý jáne tabıǵatty paıdalaný basqarmasy kóktemgi deratızatsııa jumysyn ótkizýdi bastaıdy, dep habarlaıdy QazAqparat elorda ákimdiginiń resmı saıtyna silteme jasap.
Kemirgishterdi joıý jónindegi is-sharalar jeke sektordy jáne ashyq aýmaqtardy (saıabaqtar, zırattar, ózen jaǵasy, sý qoımalary men kanaldar) qamtıtyn bolady.
Turǵyndar arnaıy ýly preparattardy tegin alady, sondaı-aq sol jerde qaýipsizdik jóninde nusqaýlary ótkiziledi. Mamandar turǵyn úılerdi 3 týr (dezınfektorlar jeke sektorlarǵa 3 ret kiredi) boıynsha óńdeıdi. Onyń barysynda 28 myńnan astam turǵyn úıdi óńdeý josparlanyp otyr.
Úı ıeleri saqtyq sharalary týraly umytpaý kerek jáne ýly preparattardy balalardyń qoly jetpeıtin jerlerde: jertólelerge nemese úıdiń tóbesine ornalastyrý kerek.
Sondaı-aq deratızatsııa ashyq alańdarda júrgiziletin bolady. Ýly preparattardy ornatý ózenderdiń, kanaldardyń, sý aıdyndarynyń mańynda, zırattarda, saıabaqtarda júrgiziledi. Óńdeletin ashyq aýmaqtardyń aýdany 3264 gektardy quraıdy.
Deratızatsııa QR-da qoldanýǵa ruqsat etilgen quramynda bromadıolon jáne brodefor preparattaryn qamtıtyn dán túrindegi ýly preparattardy paıdalana otyryp júrgiziledi.
Mundaı sharalar kemirgishter sanyn azaıtý jáne asa qaýipti juqpaly aýrýlardyń taralýyn boldyrmaý úshin qajet.
