Astanada kemeler Esilge shyqty
ASTANA. QazAqparat - Astanada Esil ózeninde keme júzý maýsymy ashyldy. Maýsym 2015 jylǵy 15 mamyrdan 25 qazanǵa deıin jalǵasady.
Astanada kemeler qyzmeti 2009 jyldan beri jumys istep keledi. Elorda turǵyndary men qala qonaqtary bıyl da ádettegideı atalǵan qyzmet túrin paıdalana alady. Tasymaldaý sharalaryn Astana qalasynyń ákimdigi Jolaýshylar kóligi jáne avtomobıl joldary basqarmasynyń «Esil-Astana» MQKK júzege asyrady. Turǵyndarǵa alty jolaýshylar kemesi qyzmet kórsetedi. Jolaýshylardy kemege otyrǵyzý men shyǵarý Kenesary eskertkishi janyndaǵy aılaqta júrgiziledi. Marshrýttyń jalpy uzyndyǵy - 18,8 km. Keme qozǵalysy sheńber boıymen kelesi baǵytta júrgiziledi: Kenesary eskertkishi - «Redıson» qonaq úıi - «Shubar» yqsham aýdany - «Jyl mezgilderi» saıabaǵy - Kenesary eskertkishi. Astana qalasy ákimdiginiń 2015 jylǵy 27 naýryzdaǵy №108-417 qaýlysyna sáıkes, keme qyzmeti úshin kelesi baǵalar belgilengen: Eresek adamdar úshin 1000 teńge; Balalar úshin (7-16 jas aralyǵy) 500 teńge.
