Astanada kelesi maýsymǵa shyǵatyn short-trekshiler quramasy anyqtalyp jatyr
ASTANA. QazAqparat - Astanada Qazaqstannyń eki birdeı chempıonaty ótip jatyr. Short-trek jáne konkımen júgirý sportynyń sheberleri maýsymdaǵy sheshýshi saıysqa shyqty, dep habarlaıdy «QazAqparat» HAA Ulttyq olımpıada komıtetiniń baspasóz qyzmetine silteme jasap.
Short-trekten ótip jatqan bul saıysta kelesi maýsymda óner kórsetetin ulttyq quramanyń sportshylary anyqtalatyn bolady. Muz aıdynyna el ishindegi týrnırlerge eki maýsym qatarynan qatyspaǵan Qazaqstan quramasynyń kil myqtylary shyǵýda. Shetelde jattyqqan komanda, jerdiń shalǵaılyǵyna baılanysty eldegi jarystarǵa kele almaı júrgen.
Al konkımen júgirýden klassıkalyq kópsaıys sportynyń sheberleri úshin bul týrnır asa úlken jaýapkershilik júktep turǵan joq. Negizgi jarystar buǵan deıin ótip ketken, aıtýly sportshylar da qatysyp jatqan joq.
Qos chempıonattyń qorytyndysy eki jarys kúni máresine jetken soń anyqtalady.
