Astanada kekýshınkaı karate-dodan Azııanyń ashyq chempıonaty ótedi
ALMATY. Qazannyń 5-i. QazAqparat /Erlik Erjanuly/ - Astanada qazannyń 16-synda erler, áıelder jáne jasóspirimder arasynda kekýshınkaı karate-dodan Azııanyń XII ashyq chempıonaty ótedi,
dep habarlaıdy QazAqparat Týrızm, dene tárbıesi jáne sport basqarmasynyń baspasóz qyzmetine silteme jasap.
«Dáýlet» sport kombınatynda ótetin bul sharany Astana qalasynyń ákimdigi men Astana qalasynyń kekýshınkaı karate-do federatsııasy birigip uıymdastyryp otyr. Qazirdiń ózinde Azııanyń ashyq chempıonatyna Aýǵanstan, Bangladesh, Japonııa, Iran, Qytaı, Kýáıt, Lıvan, Nepal, Sırııa, Pákistan, Sıngapýr, Shrı-Lanka, Úndistan,Fılıppın jáne Reseı ózderiniń qatysatynyn qýattady. Qurmetti qonaqtar qatarynda sondaı-aq, Búkilálemdik kekýshınkaı-kan karate-do uıymynyń Prezıdenti, 8 dan men qara belbeý ıegeri Shokeı Kancha Matsýı bar.
Jalpy bul dúbirli dodada el namysyn ulttyq qurama sapyndaǵy 35 sportshy qorǵamaq. Olardyń qatarynda jastar arasyndaǵy Álem chempıony Azamat Takenov pen Azııa chempıonatynyń júldegeri Aıan Mahanov bar.
