Astanada Kaztraffic-2022 halyqaralyq kórmesi ótip jatyr
Shara barysynda mamandar avtojol salasyna qatysty jańashyldyqtar men túıitkildi máselelerdi talqylaıdy.
Bıyl kórmege óz elimizden bólek, AQSh, Germanııa, Frantsııa, Ýkraına, Túrkııa, Ázerbaıjan, Belarýs jáne Reseıdiń 100-den astam jetekshi avtojol kompanııasynyń zamanaýı ǵylymı jáne tehnıkalyq ónimderi qoıylǵan.
Qatysýshylar jol qurylysy, joldardy jóndeý, kútip ustaý jáne saraptaý salasyndaǵy sońǵy tehnologııalary jáne tájirıbesin bólisip jatyr.
«Jol salasy – el ekonomıkasyna tikeleı áser etetin mańyzdy salanyń biri. Búgingi kórmege kóptegen sheteldik áriptesterimiz qatysyp otyr. Qatysýshylarǵa jemisti jumys, odan ári áriptestik pen yntymaqtastyq tileımin», - dedi QR Indýstrııa jáne ınfraqurylymdyq damý mınıstrligi avtomobıl joldary komıtetiniń tóraǵasy Tólegen Abdýlın Kaztraffic-2022 halyqaralyq kórmesiniń ashylýynda.
Sondaı-aq aıtýly sharaǵa úkimetaralyq jolshylar keńesiniń tóraǵasy, hatshylyq basshysy Býrı Kárimov qatysty.
«Halyqaralyq kórmeniń 18-shi ret ótip otyrǵany qýantady. Bul óte jaqsy. Osyndaı sharalar aıasynda ekijaqty sharttar men kelisimderdi odan ári jalǵastyrýymyz qajet. Jumystyń kóptigine qaramastan, sizdermen birge bolam dep sheshtim. Jol mamany retinde ýaqyt aǵynynan qalmaýymyz kerek dep sanaımyn. Mundaı is-sharalar jol salasyn damytýǵa óte qajet», - dep atap ótti Býrı Kárimov.
Eki kúnge sozylatyn «Kaztraffic-2022 halyqaralyq kórmesin QR Indýstrııa jáne ınfraqurylymdyq damý mınıstrligi, «QazAvtoJol» ulttyq kompanııasy uıymdastyryp otyr.
Buǵan deıin otandyq avtojolaýshylar úshin jańa mobıldi qosymshanyń iske qosylǵanyn habarlaǵan edik.
Kólik júrgizýshileri «Sapar» mobıldi qosymshasyn respýblıkalyq mańyzy bar joldarda qoldana alady. Qosymsha onlaın jáne oflaın rejımde jumys isteıdi.
Odan bólek, jýyrda birikken «Qazavtojol» men «Qazaqavtodor» jańa tujyrymdamasyn tanystyrmaq.
