Astanada «Kazsport» telearnasynyń 2 jyldyǵyna oraı BAQ ókilderi arasynda týrnır uıymdastyrylady
ASTANA. QazAqparat - Osydan 2 jyl buryn, ıaǵnı 2013 jyldyń 1 shildesinde «Qazaqstan» respýblıkalyq teleradıokorporatsııasynyń bazasynda táýligine 21 saǵat habar taratý kólemimen birinshi memlekettik «Kazsport» sporttyq telearnasy iske qosyldy. Mamandyrylǵan arna Elbasy Nursultan Nazarbaevtyń tapsyrmasy boıynsha ashylǵan bolatyn. «Kazsport» bul - «Eurosport», «Sport 1», «Sport+» jáne basqa da eýropalyq jáne álemdik sporttyq telearnalardyń deńgeıinde habar taratatyn Ortalyq Azııa aýmaǵyndaǵy jalǵyz sporttyq telearna.
Bul týraly "Qazaqstan" ulttyq telearnasynyń baspasóz qyzmeti habarlady.
Arnaıy osy dataǵa arnap 12 shilde kúni saǵat 11.00-de «Qazmedıa ortalyǵy» ǵımaratynda «Kazsport» telearnasynyń 2 jyldyǵyna oraı BAQ qyzmetkerleri arasynda ústel tennısi boıynsha týrnır ótkiziledi. Toptyq jáne jeke eseptegi týrnır jeńimpazdary gramotalarmen, Kýboktarmen jáne statýetkalarmen marapattalady.
Esterińizge sala keteıik, eki jyldyń ishinde «Kazsport» telekórermenderi 3000 myńnan astam ártúrli sport túrleri boıynsha translıatsııalardyń kýási boldy. 30-dan astam sport túrleri, atap aıtqanda, Ulttyq sport túrleri boıynsha chempıonattar men Qazaqstan Respýblıkasynyń Kýboktary qamtyldy. Telearnanyń túsirilim toby kóbine translıatsııalar júrgizilgen sheteldik jarystarda jumys istedi.
«Kazsport» arnasy Qazaqstan sportynyń burynǵy jáne qazirgi kezdegi tanymal batyrlary týraly, sondaı-aq sport túrleri boıynsha quramalar týraly 55 derekti fılm túsirdi. «Siz qaıda júrsiz?/Gde vy, chempıony?» baǵdarlamalar toptamasynyń aıasynda efırge 90 baǵdarlama shyqty. «Arnaıy reportaj» sııaqty arnaıy janrda 200-den astam jumys jasaldy. Sondaı-aq, kúndelikti jańalyqtar kidirmesten efırden berilýde.
«Kazsport» telearnasynyń kommentatorlary qazaqstandyq televızııa salasynda alǵash ret oqıǵa ornynan - Brazılııada ótken fýtbol boıynsha álem chempıonattarynyń stadıonynan jáne Italııada ótken voleıbol boıynsha Álem chempıonattarynyń arenasynan translıatsııa júrgizdi. Atalǵan tájirıbe aldaǵy ýaqytta da óz jalǵasyn tabatyn bolady.
Telearna sporttyń ár túrleri boıynsha 50-den astam Álem chempıonattaryn jáne Azııa chempıonattarynyń (atap aıtqanda, Qazaqstan aýmaǵynan 2013 jyly boks boıynsha jáne 2014 jyly aýyr atletıka boıynsha Álem chempıonattary translıatsııasynyń sıgnaldaryn búkil álemge ózdiginen taratty), Sochıdaǵy Olımpıada oıyndarynyń, fýtbol boıynsha aǵylshyndyq Premer-lıganyń, jazǵy jáne qysqy Azıada oıyndarynyń, jasóspirimder arasyndaǵy Olımpıada oıyndarynyń, «Astana Pro Team» veloquramasynyń qatysýymen barlyq «Grand-týr» velojarystarynyń, voleıbol, dzıýdo, taekvondo boıynsha Álemdik lıga jáne Álemdik «Gran-prı» kezeńderiniń, qysqy jáne jazǵy Ýnıversıadalardyń, «Barys» HK qatysýymen KHL matchtarynyń, D.Tenniń qatysýymen týrnırlerdiń, «Qaırat» fýtzal klýby qatysqan týrnırlerdiń, «Astana Motorsports» komandasy qatysqan «Dakar» rallı-reıderlerdiń, G.Golovkınniń qatysýymen jekpe-jekterdiń, «Astana» BK qatysýymen VTB lıgasynyń matchtarynyń, «Qazaqstan barysy» týrnırleriniń jáne taǵy basqa translıatsııalardy ótkizdi.
Qazaqstandyq televızııa tarıhynda alǵash ret Azıada oıyndarynan qazaqstandyq sportshylardyń oıyny tolyq kólemde kórsetildi. «Kazsport» Qysqy jáne Jazǵy Ýnıversıadalardyń alǵashqy kórsetýshisi jáne eń kóp translıatsııalarynyń ıesi boldy. Aldaǵy ýaqytta Almaty qalasynda Ýnıversıada ótetinine baılanysty, bul strategııalyq mańyzdy bolyp tabylady. Halyqaralyq stýdentterdiń sport odaǵy (FISU) jáne Halyqaralyq sport baspasózi assotsıatsııasy (AIPS) moıyndaǵanyndaı, «Kazsport» arnasy sońǵy Ýnıversıadalardy tolyq kórsetken álemdegi úsh telearnanyń biri bolyp tanyldy.
Óziniń týǵan kúnine oraı «Kazsport» telearnasy óz kórermenderine birneshe syılyq ázirledi, sonyń ishinde: elimizdiń «juldyzdy» sporttyq velosıped trendiniń mereıtoıyna oraı - «Astana Pro Team: 10 jyl», boks boıynsha tanymal qazaqstandyq Olımpıada chempıonynyń ómiri týraly trılogııanyń sońǵy serııasy - «Vasılıı Jırov. Mahabbat» jáne qazaq sport jýrnalıstıkasynyń negizin qalaýshy Seıdahmet Berdiqulov týraly túsirilgen - «Seıdahmet Berdiqulov. Qazaq sport jýrnalıstıkasynyń atasy» atty 3 derekti fılmdi erekshe atap ótýge bolady.
Búgingi kúni «Kazsport» telearnasynyń basty mindeti - matchtardy kórsetip qana qoımaı, olardyń kórsetilimin naqty álemdik standarttar deńgeıinde kórsetý.
«Biz, fýtbol boıynsha Qazaqstan chempıonatynyń translıatsııasyn jańa deńgeıge kótergenimizdi maqtanyshpen aıta alamyz, osy matchtarda dınamıkalyq grafıka, statıstıka qoldanyla bastady. Bul tájirıbeni voleıbol jáne hokkeı kórsetilimderine de engizýdi josparlap otyrmyz», -dep, óz oıymen bólisedi «Kazsport» telearnasynyń bas prodıýseri jáne dırektordyń m.a. Pavel Tsybýlın.
Álem boıynsha tek qana bizdiń memlekette kommentatorlar bir ýaqytta eki tilde jumys isteıdi. Kanada, Belgııa, Ózbekstan sııaqty eki tildi memleketterdi kommentatorlar tek qana bir tilde qyzmet atqarady. Kóptegen sheteldik áriptesterimmen osy jaıynda oı bólisken edim, olardyń barlyǵynyń oıy bir jerden shyqty: eki tilde kommentarıı júrgizý biregeı tájirıbe bolyp sanalady. Qazaqstanda bul dástúr bolyp qalyptasty.
Biz qýatty kontentke qol jetkizdik. Jaqynda biz, 24-30 tamyz aralyǵynda ótetin dzıýdo boıynsha Álem chempıonatynyń Qazaqstandaǵy jalǵyz kórsetýshisi bolamyz. Budan basqa, «Kazsport» arnasy bul birinshilikti tolyqtaı kórsetetin álemdegi jalǵyz arna bolmaqshy (!). Chempıonat Astanada ótetindikten, basqa elder jarystyń tek keshke ótetin sońǵy bóliginen ǵana sıgnal alýǵa múmkindikteri bolady, al biz týrnırdiń tańerteńgilik bóligin de kórsetemiz. Bunyń barlyǵy tikeleı efırde ótedi. Biz úshin, eń bastysy, qazaqstandyq dzıýdoshylardyń barlyq kúresterin kórsetý bolyp tabylady. Bul týrnır Olıpıadaǵa joldamalardy oınatý barysynda sheshýshi bolyp tabylady.
Gennadıı Golovkınniń barlyq kúresterin, «Barys» hokkeı klýbynyń jarystaryn, kúres boıynsha jarystardy, «Týr de Frans», Ulttyq quramalardyń qatysýymen álem chempıonattaryn jáne t.b. kórsetýdi josparlap otyrmyz.
