Astanada QazMunaıGaz ǵımaratynda órt tutandy
ASTANA. QazAqparat - Astanada Qabanbaı batyr dańǵylyndaǵy «QazMunaıGaz» ǵımaratynda órt tutandy, dep habarlaıdy QazAqparat.
Bul týraly QR ІІM Tótenshe jaǵdaılar komıtetiniń resmı ókili Rýslan Imanqulov málimdedi.
«Qabanbaı batyr dańǵyly, 19 D mekenjaıyndaǵy ǵımarattyń 13 qabatynan tútin baıqaldy. Qazirgi ýaqytta ǵımarat qaptamasy tekserilip jatyr, ashyq janǵan ot kórinbeıdi. Evakýatsııa júrgizilgen joq. Oqıǵa ornynda 28 adam, alty arnaıy tehnıka jumys istep jatyr», - delingen resmı ókil jibergen habarlamada.
Keıinirek R. Imanqulov tútinniń basylǵanyn, teplovızormen tekserý jumystary júrip jatqanyn habarlady.
Aıta keteıik, ǵımarattyń birinshi qabatynda ákimshilik uıymdar ornalasqan jáne joǵary qabattarynda turǵyn úı páterleri bar.
