Astanada QazGZÝ túlegi joǵalyp ketti
ASTANA. QazAqparat - Astanada Qazaq gýmanıtarlyq-zań ýnıversıtetiniń túlegi Baqtııar Jamanǵaraev joǵalyp ketti.
Týystary men jaqyndary birneshe kúnnen beri onymen baılanysa almaı otyr.
Jas jigitti izdeý týraly habarlamalar Instagram áleýmettik jelisinde jarııalanyp jatyr.
«Kómekterińiz qajet! Jas jigit joǵalyp ketti! Aty-jóni Jamanǵaraev Baqtııar! QazGZÝ túlegi. Birneshe kúnnen beri týystary men jaqyndary taba almaı otyr. Eger ol týraly aqparat bilseńiz, 8 771 775 04 09 nómirine habarlasýlaryńyzdy ótinemiz», - dep jazǵan joǵalǵan jigittiń týystary.
Týystarynyń aıtýynsha, B.Jamanǵaraev Astana qalasynda turady, boıy shamamen 170-175 sm.
Astana ІІD Baqtııar Jamanǵaraevtiń joǵalǵany týraly málimetti rastady. Qazir polıtsııa jas jigitti izdep jatyr.
Joǵalǵanǵa deıin jas jigittiń býkmekerlik ortalyqta bás tigip júrgeni belgili boldy.
