Astanada Qazǵarysh pen Roskosmos basshylary kezdesý ótkizdi
ASTANA. 18 shilde. QazAqparat /Sara Kábıqyzy/ - Búgin Baıqońyrdan Astanaǵa kelgen Reseı Federaldy ǵarysh agenttiginiń basshysy Vladımır Popovkın jumys saparynyń baǵdarlamasyn Qazaqstan Respýblıkasynyń Ulttyq ǵarysh agenttigindegi kezdesýden bastady.
Roskosmos delegatsııasyn qarsy alǵan QR Ulttyq ǵarysh agenttiginiń tóraǵasy Talǵat Musabaev reseılik áriptesterin «Qazsat-2» qazaqstandyq serigimen «Baıqońyrdan» ushqan úsh ǵarysh apparattarynyń aspanǵa sátti ushyrylýymen quttyqtady. Ol «Qazsat-2» serigin ushyrý Qazaqstan Úkimetiniń tarapynan joǵary baǵaǵa ıe bolǵanyn atap ótti. «Eldiń Premer-Mınıstri Kárim Másimov Roskosmos basshylyǵyna tehnıkalyq jumystardyń joǵary deńgeıi, jumystardyń uıymdastyrylýy men yntymaqtastyq úshin alǵys jetkizýdi suraǵan», - dep atap ótti Qazǵarysh basshysy.
Óz kezeginde Roskosmos basshysy Vladımır Popovkın «Qazsat-2» jerserigi shtattyq rejımde jumys istep jatqanyn, barlyq júıeler bul satyda jaqsy jumys istep jatqanyn jetkizdi.
Qazaqstan men Reseı ǵarysh vedomstvolarynyń basshylary Qazǵaryshta ótip jatqan jumys keńesinde ózekti on tórt mseleni qaraıdy.
Kezdesý qorytyndysy boıynsha Qazǵarysh pen Roskosmos basshylyǵy hattamaǵa qol qoıady.
Astanadaǵy saparynyń jumys baǵdarlamasyna saı Roskosmos basshysy QR qarjy mınıstrliginiń basshylyǵymen kezdesedi.
