Astanada KAZENERGY Eýrazııalyq Forýmyna 2 myńnan astam adam delegat keldi
ASTANA. QazAqparat - Astanada KAZENERGY Eýrazııalyq Forýmy óz jumysyn bastady.
«Jańa energetıka kókjıegi: yntymaqtastyq jáne ınvestıtsııalar keleshegi» atty taqyryppen ótip otyrǵan sharanyń plenarlyq otyrysy 30 qyrkúıekte ótpek. Búgin «Eýrazııa óńirindegi energııa qaýipsizdigi: Jańa yntymaqtastyq mehanızmi»Munaı-gaz konferentsııasy, Áıelder energetıkalyq klýbynyń otyrysy, KAZENERGY jastar forýmy jáne taqyryptyq semınarlar ótedi.
KAZENERGY eń iri dıalog alańy úsh kún boıy 2000-nan asa bedeldi qatysýshyny qabyldamaq, olardyń arasynda memleketter men mekemeler basshylary, ulttyq jáne halyqaralyq energetıkalyq kompanııalardyń top-menedjerleri, salanyń jetekshi sarapshylary bar.
Forýmnyń basty nazarynda - munaı-gaz jáne energetıka naryǵynyń damý keleshegi úshin berik tuǵyrdy qalyptastyrý maqsatynda memleketter, salanyń ókilderi jáne negizgi sheshimderdi qabyldaıtyn tulǵalar arasyndaǵy yntymaqtastyqty talqylaý.
Integratsııalyq úderisterdiń rólderi, uzaq merzimdi saýda-ekonomıkalyq jáne energetıkalyq seriktestikti qalyptastyrý, jahandyq energetıkalyq turaqtylyqty ásirese Eýropa men Azııa aımaqtarynda qamtamasyz etý máseleleri bólek talqynyń arqaýyna aınalatyn bolady.
Otandyq jáne álemdik BAQ, onyń ishinde jetekshi gazetter men jýrnaldar, jańalyq agenttikteri, telearnalar men salalyq basylymdardyń 400-den astam ókili Forýmdy BAQ betterinde jarııalaıtyn bolady. Forým aıasynda basty baıandamashylar men demeýshilerdiń, onyń ishinde Halyqaralyq energetıkalyq agenttiktiń, Álemdik energetıkalyq odaqtyń, Qaıta qalpyna keletin energetıka jónindegi halyqaralyq agenttiktiń, Dúnıejúzilik munaı odaǵynyń jáne jetekshi munaı-gaz, energetıkalyq kompanııalardyń qatysýymen baspasóz májilisteri ótedi dep josparlanyp otyr.
Onynshy Forýmnyń basty spıkerleri retinde Qazaqstan Respýblıkasy Premer-mınıstri Kárim Másimov, Frantsııa premer-mınıstri (2007-2012) Fransýa Fııon, RF Úkimetiniń tóraǵasy (2007-2008), «Gazprom» BAQ Dırektorlar keńesiniń tóraǵasy Vıktor Zýbkov (mınıstr), QHR Memlekettik energetıka basqarmasy Nýer Baıkelı, Gaza eksportshy elder forýmynyń (GECF) bas hatshysy Saıed Mohammed Hýseın Adelı, BUU bas hatshysynyń arnaıy ókili jáne Barlyǵyna arnalǵan turaqty energetıka jónindegi bastamanyń (SE4All) bas dırektory Kande K. ıÝmkella, Sinopec Group basqarma tóraǵasy Vang ıÝpý, Dúnıejúzilik munaı keńesiniń prezıdenti Iozef Tot, Halyqaralyq gaz odaǵynyń (IGU) bas hatshysy Pol Rasmýssen, Pýlıttser júldesiniń laýreaty Denıel Ergın, «VitolGroup» prezıdenti jáne bas atqarýshy dırektory ıAn Teılor jáne t.b. tulǵalar qatysady dep kútilýde.
