Astanada «KAZENERGY-2011» granttaryn ıelenýshi stýdentter bas qosty
ASTANA. 28 maýsym. QazAqparat /Jasulan Amanbaıuly/ - Búgin Astanada «KAZENERGY-2011» bilim berý baǵdarlamasy granttaryn ıelenýshi stýdentterdiń dástúrli sleti ótti.
«Kazenergy» Qazaqstan munaı-gaz jáne energetıka kesheni uıymdary qaýymdastyǵynyń bilim baǵdarlamasy 5 jyl buryn júzege asyryla bastady. Osy ýaqyt aralyǵynda elimizde shamamen 500-ge tarta jas talapker munaıshy mamandyǵy boıynsha daıarlandy.
Búgingi tańda taǵy 500-ge jýyq grant ıegeri Qazaqstandaǵy iri munaı kompanııalarynyń qarjysyna elimizde munaı jáne gaz salasynyń mamandyǵyna oqytatyn JOO-da bilim alyp júr. Qaýymdastyqtyń basshylyǵy atap ótkenindeı, keleshekte olardyń barlyǵy mindetti túrde jumyspen qamtamasyz etiledi.
«Sizder úzdik bilim kórsetip, atalǵan topta ǵana emes, tutas bir býynnyń kóshbasshylary ekendikterińizdi dáleldedińizder. Bizdiń bilim baǵdarlamamyz sizderge jaqsy tanys Qazaqstannyń iri munaıgaz kompanııalarynyń qoldaýymen iske asyrylyp keledi», - dedi «KAZENERGY» qaýymdastyǵynyń Tóraǵasy Tımýr Qulybaev.
Onyń aıtýynsha, «QazMunaıGaz» UK AQ, Shevron Munaigas, "Lukoil Overseas Service B.V.", Shell Kazakhstan Development B.V., QR «Statoil North Caspian AS» bólimshesi, «Intergaz Ortalyq Azııa» AQ, «QazResGaz» JShS sııaqty qaýymdastyq músheleriniń «KAZENERGY» Bilim berý baǵdarlamasyna belsene qatysýy jáne kórsetken qoldaýy onyń jobalarynyń keńeıýine jáne tanymal bolýyna óziniń septigin tıgizdi.
Shákirtaqy ıegerleriniń basqosýy - «KAZENERGY» Bilim berý baǵdarlamasy shákirtaqy ıegerleriniń akademııalyq, ǵylymı, zertteý jáne qoldanbaly jetistikterimen tanysýdyń biregeı múmkindigi.
