Astanada «Qazaqtyń ary» atty kitap jaryq kórdi
Kitapta qazaq ultynyń rýhanı qazynasy - rýh, namys, sana, til, senim sııaqty kategorııalaryna taldaý jasalǵan. Búgingi zamanaýı talaptarǵa oraı qysqa da nusqa jazylǵan týyndyda qazaq jastaryna úlgi bolarlyq tujyrymdamalyq maqsat pen mindetteri arqyly baǵyt berilgen.
«HHІ ǵasyr postındýstrııaldyq qoǵamnyń damý úrdisine orasan zor ózgeristerdi usynyp otyr. Osy oraıda qazaq qoǵamy ıntegratsııalanǵan álemde qandaı oryn alady, kıberkeńistik, vırtýaldy tirshilik usynǵan talaptarǵa qalaı daıar bolady degen suraqtarǵa jaýap izdegen kezeń bastaldy. Osy kitapta sol máselelerdiń bas qozǵaldy», - deıdi avtor.
Sonymen qatar, erteń, ıaǵnı 16 mamyr kúni Kókshetaý qalasyndaǵy «Kókshetaý» mádenıet saraıynda avtordyń «Qazaqtyń ary» atty kitaptyń tusaýkeser rásimine arnalǵan «Ar» rýhanı-tanymdyq keshi ótedi. Keshke elimizge tanymal aqyndar Qalqaman Sarın, Ularbek Dáleıuly, Erlan Júnis jáne Baýyrjan Qaraǵyzuly qatysady.