Astanada Qazaqstannyń jańa ınnovatsııalyq ekonomıkasynyń ıadrosy qalyptasýda
ASTANA. 5 shilde. QazAqparat - Astanada Qazaqstannyń jańa ınnovatsııalyq ekonomıkasynyń ıadrosy qalyptasýda. Bul týraly búgin Astananyń 15 jyldyq mereıtoıyna arnalǵan saltanatty jıynda Elbasy Nursultan Nazarbaev aıtty.
«Elorda Qazaqstan úshin teplovozdar, vagondar, tikushaqtar jáne kún batareıalarynyń modýlderin shyǵaratyn múldem jańa ónerkásip salalarynyń negizgi ortasyna aınaldy», - dedi Elbasy.
Memleket basshysynyń atap ótkenindeı, Astana otandyq qurylys salasynyń da serpinin qamtamasyz etetin qýatty quralǵa da aınalyp otyr. 15 jyldyń ishinde elordada 11 mln. sharshy metr jańa turǵyn úı salynyp, myńdaǵan otbasy jańa páterge ıe boldy.
