Astanada «Qazaqstannyń tuńǵysh-áıel sýretshisi» biregeı kórmesi ashylady
ASTANA. 14 maýsym. QazAqparat - Astanalyqtar men qala qonaqtaryna áıel-sýretshilerdiń shyǵarmashylyǵymen jaqynyraq tanysýǵa múmkindik týady.
Qala kúni qarsańynda Qazirgi zaman óneri murajaıynda «Qazaqstannyń tuńǵysh-áıel sýretshisi» beıneleý óneriniń biregeı kórmesi ashylady. Onda kelýshiler HH ǵasyrdaǵy Qazaqstannyń qylqalam sheberleriniń 80 jumysyn kóre alady. Bul týraly astana.kz saıtyna murajaıdan málim etti.
«Jyl saıyn qala kúni qarsańynda Qazirgi zaman óneri murajaıynda kórme ótedi. Bıylǵy jyly Astana qalasy Qazirgi zaman óneri murajaıy men Almaty qalasyndaǵy A.Qasteev atyndaǵy beıneleý óneriniń Memlekettik murajaıynan keskindeme, jıvopıs, grafıka jáne músin jumystarynyń jıyntyǵyn usynýdy josparlap otyrmyz», - dep oıyn bólisti murajaı basshysy Nellı Shıvrına.
«Qazaqstan HH ǵasyrdyń basynda bir top keremet sýretshiler urpaǵynyń paıda bolýymen erekshelendi», - dep atap ótti murajaı dırektory.
Olar óz shyǵarmashylyqtarynda táýelsiz, derbes, jigerli sýretshiler retinde kórinse, keıde, kóńil kúıdi tap basatyn ári sondaı shynaıy shyǵarmalarymen sýsyndatty. Endi astanalyqtar men qala turǵyndary qazaqstandyq sýretshiler mura retinde qaldyrǵan tamasha týyndylarymen tanysý múmkindigine ıe bolmaq.
Ekspozıtsııada Aısha Ǵalymbaeva, Gúlfaırýs Ismaılova, Elızaveta Govorova, Marııa Lızogýb, Olga Kýjelenko, Lııa Kolotılına, Emılııa Babad, Zoıa Beregovaıa syndy grafıkalyq jáne sáýlet óneriniń has sheberleriniń týyndylary usynylatyn bolady.
N. Shıvrınanyń aıtýynsha, kórme 4 shildede ashylyp, qyrkúıek aıynyń sońyna deıin jalǵasady.
