Astanada Qazaqstannyń IT kásiporyndarynyń ekinshi sezi ótedi
ASTANA. Qyrkúıektiń 15-i. QazAqparat - Qyrkúıektiń 17-de Astanada Qazaqstannyń IT kásiporyndarynyń ekinshi sezi ótedi. Baılanys jáne aqparat mınıstrliginiń málimetinshe, oǵan memlekettik organdardyń, ulttyq kompanııalardyń jáne banktik-qarjylyq júıeniń ókilderi, Qazaqstandaǵy IT kompanııalardyń birinshi basshylary qatysady.
Sezd delegattary birqatar máselelerdi, atap aıtqanda IT sektordy damytý tetikterin jáne IT bıznesti yntalandyrýdaǵy ári ilgeriletýdegi Qazaqstandaǵy aqparattyq kommýnıkatsııany damytý jónindegi salalyq baǵdarlamanyń rólin, sondaı-aq salany damytý problemalaryn talqylaıdy. Sezde Baılanys jáne aqparat mınıstri Asqar Jumaǵalıev sóz sóıleıdi.
