Astanada Qazaqstannyń ishki týrızminiń resýrstary, áleýeti men damý joldary talqylanady

ASTANA. QazAqparat - Qazaqstan Respýblıkasynyń ulttyq kásipkerler palatasy «Jasyl ekonomıkany» qoldaý men G-Global-dy damytý koalıtsııasymen birlese otyryp, Qazaqstandaǵy BUU Damý Baǵdarlamasynyń qoldaýymen Qazaqstan Respýblıkasynyń týrıstik salasyn damytýdyń 2020 jylǵa deıingi tujyrymdamasyn talqylaý aıasynda 2015 jyldyń 17 aqpanynda «Qazaqstannyń ishki týrızminiń resýrstary, áleýeti men damý joldary» atty respýblıkalyq konferentsııasyn ótkizedi.

Bul týraly Ulttyq kásipkerlik palatasynyń baspasóz qyzmetinen habarlady.

Іs-sharanyń basty maqsaty - EKSPO-2017 kórmesin ótkizý aıasynda ishki týrızmniń qarqyndy damýy úshin memlekettiń, bıznestiń jáne azamattyq qoǵamnyń áleýetin biriktirý.

Konferentsııa aıasynda Qazaqstannyń týrıstik salasyndaǵy kókeıkesti máseleler; ishki týrızm men ekotýrızmdi damytý úshin usynystar ázirleý; qonaq úı men týrıstik bıznes úshin eń jaqsy ıdeıalar boıynsha konkýrs jarııalaý; eń jaqsy týrıstik jol baǵdar boıynsha konkýrs jarııalaý jáne t.b. máseleler qaralady.

Konferentsııa jumysyna Qazaqstannyń ár aımaǵynan 70-ten asa adam, sonymen qatar, QR Parlamenti Májilisiniń depýtattary, QR ınvestıtsııalar jáne damý mınıstrliginiń, «Astana EKSPO-2017» UK» AQ, UKP jergilikti ókilderi, bıznes-qoǵamdastyq, halyqaralyq jáne otandyq sarapshylar, úkimettik emes uıymdar, BAQ pen basqa da múddeli taraptar qatysady.

Konferentsııa aıasynda qatysýshylar arasynda birneshe memorandýmdarǵa qol qoıylyp («Astana EKSPO-2017» UK» AQ - «Qazaqstannyń skaýttyq qozǵalysyn uıymdastyrý» QB, «Jasyl ekonomıkany» qoldaý men G-Global-dy damytý koalıtsııasy» ZTB - «Týrızm ındýstrııasynyń Ulttyq assotsıatsııasy» ZTB) Qazaqstannyń ishki týrızmin damytýdyń birtutas algorıtmi ázirlenedi dep kútilýde.