Astanada Qazaqstannyń halyq jazýshysy, lırık-aqyn T. Moldaǵalıevtiń 80 jyldyǵy atap ótildi (FOTO)
"Tumanbaı Moldaǵalıev Táýelsiz Qazaqstannyń tuńǵysh Ánurany avtorlarynyń biri. Bolashaq urpaq ol kisiniń artynda mura qylyp qaldyrǵan jyr-ósıetin eshqashan umytpaıdy. Meniń oıymsha, búgin biz uıymdastyryp otyrǵan ádebı saǵat arqyly oqýshylarymyz ataqty aqyndy odan saıyn jaqsyraq tanı túsedi", - dep atap ótti galereıa kitaphanasynyń ókili Gúlnar Ábýova.
Tumanbaı Moldaǵalıevtiń túńǵysh óleńi "Ýkraına qyzyna" 1954 jyly jarııalandy. Alǵashqy óleńder jınaǵy "Stýdent dápteri" 1957 jyly jaryq kórdi.
Tumanbaı Moldaǵalıev názik syrly, oıly da otty jyrlarymen tanyldy. "Kámıla" (1960), "Kóktem tańy" (1961), "Alataý qyzy" (1963), "Ferıýza týraly jyr" (1964), "Zýlaıdy kúnder" (1965), "Júregim meniń saparda" (1966) t. b. jınaqtary shyqty.
1967 jyly jaryq kórgen "Jańa dápter" atty kitaby úshin Qazaqstan komsomoly syılyǵynyń laýreaty atandy (1968). "Eskertkish" (1969), "Shaqyrady jaz meni" (1970), "Júrek oıaý qashanda" (1972) atty kitaptary da oqýshylardyń iltıpatyna bólendi. Onyń "Qosh, kóktem" atty tańdamaly óleńder kitaby (1971), "Hattar" atty poemalar jınaǵy (1974) jaryq kórdi.
T.Moldaǵalıevtiń orys tilinde "ıA - syn Semırechıa" (1962), "Pervaıa vstrecha" (1968), "Novaıa tetrad" (1969) atty óleńder jınaqtary shyqty.
Tumanbaı Moldaǵalıev kóptegen án mátinderiniń avtory. Onyń "Qustar qaıtyp barady" (mýzykasy N.Tilendıevtiki), "Baqyt qushaǵynda", "Ánim sen ediń" (mýzykasy Sh. Qaldaıaqovtiki), "Ertis valsi" (mýzykasy Jamaqaevtiki), "Shaqyrady kóktem" (mýz. Á.Beıseýovtiki) atty ánge jazylǵan óleńderi halyq arasynda keń taralǵan.
Ol Baıron, M. ıÝ. Lermontov, T.G.Shevchenko, O. Týmanıan, S. Kapýtıkıan, K. Ǵulam, X. Ǵulıam, R. Gamzatov, Uıǵyn, Zýlfııa, D. Jalsaraev t.b. aqyndardyń shyǵarmalaryn qazaq tiline aýdardy.