Astanada qazaqstandyqtardyń Ońtústik Koreıadan jıi deportatsııalaný máselesi qaraldy
ASTANA. QazAqparat - Astanada konsýldyq máseleler jónindegi Qazaqstan-Koreıa konsýltatsııalarynyń 4-shi raýndy ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.
Konsýltatsııalar barysynda taraptar eki eldiń azamattarynyń eki memlekettiń aýmaǵyna kirip-shyǵýy, shekaradan zańsyz ótetinin eńbek mıgranttaryna qatysty jaǵdaı, ekstradıtsııa, sottalǵandardy berý sııaqty ózge de ózekti degen máselelerdi sóz etti. Ondaǵy negizgi taqyryptardyń biri - Ońtústik Koreıaǵa týrıstik, iskerlik máselelermen jáne em alý úshin baratyn qazaqstandyqtardyń jıi deportatsııalanýyna qatysty jaǵdaı boldy.
Seýlden kelgen joǵary mártebeli delegatsııa ókilderi Koreıanyń kóshi-qon qyzmetteri tarapynan elge kirýge tyıym salý men deportatsııaǵa ushyrap, qarjylyq jáne moraldyq-psıhologııalyq qıyndyqtarǵa tap bolǵan jáne olardyń quqyqtary men bostandyqtarynyń shektelýine shaǵymdanǵan Qazaqstan azamattaryna qatysty faktilerden keńinen habardar etildi.
Koreıalyq dıplomattar qalyptasqan jaǵdaıǵa túsinistikpen qaraıtyndaryn aıtyp, jaqyn arada Seýlde atalǵan máseleni sheshý úshin kóshi-qon qyzmetiniń ókilderimen vedomstvoaralyq konsýltatsııalar júrgizýge ýáde etti.
Sonymen qatar, jappaı deportatsııalaý jaǵdaıynyń jıilep ketýi Koreıaǵa zańsyz eńbekpen aınalysý úshin vızasyz rejımmen keletin qazaqstandyqtardyń sanynyń artýy sebep bolyp otyrǵandyǵy aıtyldy. Kelissózderdiń ózara túsinistik jaǵdaıynda ótkendigi aıtylady.
