Astanada qazaqstandyq tehnologııalardy ilgeriletýge arnalǵan «Ǵylymı portal» tanystyryldy
ASTANA. QazAqparat - Búgin «Tehnologııalardy kommertsııalandyrý» kórmesi aıasynda «Ǵylymı portal» tanystyryldy, onyń basty maqsaty qazaqstandyq tehnologııalar men ónertabystardy kommertsııalyq aınalymǵa engizý bolyp tabylady.
«Ǵylymı portal» ınternet alań bolyp tabylady, onda ázirleýshiler men kásiporyn bir-birimen ózara árekettese jumys isteı alady. Bul saıtqa ázirleýshiler óz tehnologııalaryn engizdi. Onda baǵalaıtyn sarapshylar, onyń ilgerileýimen aınalysatyn tehnologııalardy kommertsııalandyrý ortalyǵynyń bekitilgen menedjerleri bar. Kommertsııalyq kásiporyndar portalǵa tirkelip, tehnologııany izdeıdi, eger ózderine qyzyqty birdeńe tapsa, óz betterinshe baılanysqa shyǵyp, avtormen ýaǵdalasýyna bolady. Bizdiń mindetimiz ınternet alań, derekqor usyný, qajet bolǵan jaǵdaıda menedjerlerimiz ózara is-qımyldy retteýge járdemdesedi», - dedi Tehnologııalardy kommertsııalandyrý ortalyǵynyń bas dırektory Damır Egizbaev. Ol sondaı-aq portal ótken jyldyń aıaǵynda daıyn bolǵanyn, osy kezge deıin synamadan ótkenin atap ótti. «Qazirgi sátte portalda eki júzge jýyq qazaqstandyq tehnologııa ornalastyrylǵan, sondyqtan ınvestorlar saıtqa kirip, qajet bolǵan jaǵdaıda ázirleýshilermen baılanysýyna bolady. Onda túrli qoljetimdilik quqyǵy bar, bul ázirleýshi aqparatty qanshalyqty egjeı-tegjeıli bergisi keletinine baılanysty», - dep sózin túıindedi D.Egizbaev. Eske salsaq, búgin elordada «Tehnologııalardy kommertsııalandyrý» kórme-tanystyrylymy ótýde. Onda qazaqstandyq ǵalymdar ınvestorlarǵa jańa ónertabystaryn usynady.
