Astanada qazaqstandyq sport televızııasyn damytý máseleleri talqylanýda
ASTANA. QazAqparat - Astanada «Sport&TV» iskerlik klýbynyń aıasynda sporttyq tilshiler, kommentatorlar, sport túrleri boıynsha Federatsııalar, klýbtar, dene shynyqtyrý jáne sport basqarmalarynyń baspasóz hatshylary úshin semınar óz jumysyn bastady. Onda qazaqstandyq sporttyq televızııany odan ári damytýdyń basty máseleleri talqylanady, dep jazady Sports.kz.
Forýmnyń bastamashysy ári uıymdastyrýshysy retinde Qazaqstan sporttyq baspasózi qaýymdastyǵy jáne QR Mádenıet jáne sport mınıstrliginiń sport jáne deneshynyqtyrý isteri boıynsha komıtetiniń qoldaýymen «Kazsport» telearnasy shyqty.
Semınar shartty túrde úsh kúnge, taqyryptar boıynsha úsh bólikke bólingen. Aldyńǵy qatarly tehnologııalardy usyný, sporttyq prodıýserler men aqparattyq baǵdarlamalardyń basshylarynyń qyzmetteri, sporttyq mazmundaǵy televızııalyq jobalardy talqylaý - osynyń barlyǵy atalǵan forýmnyń jumysy kezinde kórinis tappaq.
