Astanada qazaqstandyq-koreılik tehnologııalyq áriptestik ortalyǵy ashyldy
TANA. 26 tamyz. QazAqparat /Gúlmıra Alıakparova/ - Búgin «Ulttyq ınnovatsııalyq qor» AQ-da qazaqstandyq-koreılik tehnologııalyq áriptestik ortalyǵynyń ashylýy boldy.
Ortalyqty qurýdaǵy negizgi maqsat - Qazaqstan Respýblıkasy men Koreıa Respýblıkasynyń ınnovatsııalyq is-áreket sýbektileri arasyndaǵy áriptestik qarym-qatynasty jáne ınnovatsııalyq belsendilikti damytý.
Ortalyq tehnologııalar transferti salasynda qazaqstandyq jáne koreılik uıymdar arasynda ózara yntymaqtastyqty uıymdastyrýǵa arnalǵan únemi qyzmet istep turatyn alań bolmaq. Onyń negizgi qyzmeti - aqparattardy taratý, ınvestorlardy, seriktester men tehnologııalardy izdep-tabý, birlesken ǵylymı-zertteý jáne ınnovatsııalyq jobalardy úılestirý, ınnovatsııalardy qurý jáne basqarý salasyndaǵy mamandardy daıarlaý jáne biliktiligin arttyrý boıynsha birlesken baǵdarlamalardy uıymdastyrý arqyly eki el kompanııalarynyń arasynda udaıy baılanys ornatyp otyrý bolyp tabylady.
«Men, eki jaqty kelisimnen keıin myqty ınnovatsııalyq jobalardyń legi aǵylatynyna senimdimin. Aldaǵy ýaqytta osyndaı ortalyqty Koreıa eliniń aýmaǵynda ashatynymyzǵa senimdimin», - dep atap ótti QR Indýstrııa jáne jańa tehnologııalar vıtse-mınıstri Qanysh Tóleýshın.
