Astanada qazaqstandyq ǵalymdar ınvestorlarǵa 50 jańa ónertabys usyndy

«Tehnologııalardy kommertsııalandyrý» jobasy 2008 jyldan bastap iske asyrylýda. Onyń aıasynda otandyq ǵylymı jobalar zertteý bastalǵannan naryqqa shyqqanǵa deıin súıemeldenedi. 2011 jyldan bastap jalpy somasy 5,9 mlrd teńgege 65 jobaǵa qoldaý kórsetildi. Búginde 18 kompanııa naryqqa shyqty, al jobalar boıynsha satý somasy 66 mln teńgeni qurady. Sondaı-aq 180 mln teńge mólsherinde ınvestıtsııa tartylyp, áriptestik týraly 25 shart jasaldy.

«Búgin Qazaqstannyń 50 ǵylymı ázirlemesi usynyldy, olardyń kommertsııalyq áleýeti joǵary. Bul ázirlemeler qyzyǵýshylyq tanytqan ınvestorlarǵa, sondaı-aq áleýetti tutynýshylarǵa usynyldy. Búgingi shara aıasynda yntymaqtastyq týraly eki memorandýmǵa, tehnologııalardy ázirleýshilerden kommertsııalyq kásiporyndarǵa berý týraly lıtsenzııalanǵan úsh kelisimge qol qoıyldy. Qazir biz qazaqstandyq tehnologııalardyń suranysqa ıe ekenin baıqap otyrmyz», - dedi Tehnologııalardy kommertsııalandyrý ortalyǵynyń bas dırektory Damır Egizbaev.

Sharaǵa kásipkerlik, memlekettik organdar, qoǵamdyq uıymdar ókilderi, sondaı-aq AQSh pen Reseıden kommertsııalyq tehnologııalar salasyndaǵy sheteldik sarapshylar qatysty.