Astanada qazaqstandyq boksshy qarsylasyn «qorqytyp» jeńdi

ASTANA. QazAqparat - Qazaqstandyq kásipqoı boksshy Beıbit Shúmenovtyń boks keshi aıasynda qazaq boksshysy Aıdos Erbosynuly ázerbaıjandyq Ismat Eınýllaevty jeńdi, dep habarlaıdy QazAqparat tilshisi.

Alǵashqy raýndta qazaqstandyq boksshy kóp soqqylardy jiberýge asyǵa qoıǵan joq. Qarsylasynyń ańysyn ańdý úshin ol aldymen ózine yńǵaıly qashyqtyqty tańdap alýǵa den qoıdy. Eınýllaev birden shabýylǵa kóship, bir sózben «qolyndaǵy kartanyń barlyq kózirin kórsetip qoıdy». Ázerbaıjandyqtyń shama-sharqyn bilgen qazaq boksshysy osydan keıin basymdyq tizginin óz qolyna alǵan edi.

Birinshi raýndtan keıin qazaq boksshysynyń qarqynynan jasqandy ma - qarsylas komandanyń tarapy óz boksshysyn sharshy alańǵa jiberýden bas tartty. Aıdos qazaqy shapanyn kıip, tóreshi onyń qolyn kóterdi. Bul jeńis Erbosynnyń kásipqoı bokstaǵy segizinshi qýanyshy. Segiz aıqastyń jeteýin Aıdos merziminen buryn aıaqtaǵan.